2 августышто «Марий Эл» Ий полатыште бокс дене кок гана тӱнямбал чемпион Раимкуль Малахбековын кубокшо верч таҥасымаш лиеш.
Тушко элнан тӱрлӧ кундемже гыч эн виян спортсмен-влак толыт. Рингыш «Динамо» ден «Спартак» командын спорсменже-влак лектыт. Таҥасымашым «Матч ТВ» телеканалын вияш эфирыштыже ончыктат.
Ушештарена, Раимкуль Малахбеков кок гана тӱнямбал чемпион (1995, 1997 ийла), кок гана Европын чемпионжо (1993, 2002 ийла), вич гана Российын чемпионжо, Олимпиадын ший (2000) да той (1996) призёржо лийын, Российын сулло спорт мастерже.