2026 ий гыч «Ава-героине» лӱмым (тудым 10 йочам ыштыше але воспитатлыше ава-влаклан пуат) нумалше ӱдырамаш-влакын пенсийышкышт ешартыш оксам да тылзеш ик гана тӱлыман выплатым пеҥгыдемденыт. Марий Элыште кок ӱдырамаш тыгай выплатым налаш тӱҥалеш.
Российысе Соцфондын Марий Элысе пӧлкажын палдарымыж почеш, тылзе еда пуалтше оксам «Ава-героине» лӱмым пеҥгыдемдыме кече гыч тӱлаш пунчалыт, но 2025 ий 1 январь деч ончыч огыл. Тудын кугытшо 76458,40 теҥгеш шуэш.
Элна ончылно кугу пашам шуктышо да суапле сомыл дене ойыртемалтше героине-ава-влаклан эше ик выплатым пеҥгыдемдыме. Тудым сулен налме канышыште улшо, пашам ыштыдыме ӱдырамаш-влаклан тӱлат. Кугытшо – 36,6 тӱжем теҥге.
Соцфонд ушештара, вич але утларак шуко шочшан ава-шамыч 50 ияш пенсийыш лектыт. Тидлан 15 ий деч шукырак страховой стаж да 30 деч шагал огыл пенсий коэффициент лийшаш.