Марий Элыште ныл лицеист ЕГЭ-ште 100 баллым кок предмет дене поген.
Политехнический лицей-интернатын, «Мегатех» лицейын, Т.И.Александрова лӱмеш Йошкар-Оласе 11-ше №-ан лицейын, тыгак Шуко профилян лицей-интернатын тунемшышт мультибальник лийыныт. Владимир Волков ден Роман Очков профильный кӱкшытан математике да физике дене 100 балл дене погеныт. Максим Кутюков – руш йылме да физике дене, Дмитрий Назаров – физике да химий дене.
Тений физике дене ЕГЭ-ште эн кугу баллым Марий Элысе 20 выпускник поген, республикыштына 10 ийыште ты предмет дене тиде эн сай лектыш, палдара Марий Элысе Образований да науко министерстве.