Марий Элысе Тӱвыра, печать да калык-влакын пашашт шотышто министерстве ден С.Г.Чавайн лӱмеш Калыкле книгагудо «Лучшие муниципальные библиотечные учреждения и их работники – 2026» республикысе конкурсым эртарат. Тидлан 13 апрель марте йодмашым колтыман.
Участник-шамычым кок йыжыҥ почеш аклат. Икымше йыжыҥыште презентацийым, кокымшышто пашашт нерген очно аралымашым ончат. Конкурсышто еш, молодёжь, историйым шарныме шотышто направлений почеш пашам виктарымым, тыгак Пушкин картым шаркалаш полшымым шотыш налыт. Ветеран-влакым «За верность профессии», ончыкылык нерген шонышо-шамычым «Библиотекарь будущего» посна номинацийлаште палемдат.
Участник-влакын пашаштым очно аралымаш майыште лиеш, сеҥыше-шамычым Российысе книгагудо-влакын пайремыштым торжественно эртарыме годым саламлат.