Марий Эл гыч индивидуальный предприниматель «Кубок сельских пекарей – 2026 Всероссийский конкурсышто призер лийын.
Моско олаште 3 июньышто «Кубок сельских пекарей – 2026» Всероссийский конкурсын финалже лийын. Марий Элын чапшым Волжский округ гыч предприниматель Чекмарева Елена Николаевна арален да кумшо верыш лектын.
Елена Николаевна кочкыш сатум ямдылымаште шке бизнесшым вияҥда. Шке пашажым киндым да кондитер сатум ужалыме изи точко гыч тӱҥалын, Приволжский посёлкышто «Просто вкусно» кафем 45 верлан почын, вара – Волжск олаште кинде сатум ямдылыме да ужалыме шотышто «Чекмаревмыт пекарньым».
Елена Чекмаревам саламлена да ончыкшымат ятыр сеҥымашым тыланена!
