1 гыч 20 июнь марте Морко районысо Кораксола клубышто сводный отряд пашам ышта. Ме чыланат тушко куанен коштына. Икымше кечын шукын лийынна. Цирк толын ыле. А моло кечын шагалынрак коштына.
Чыла мероприятийым клуб вуйлатыше Елена Валериановна Григорьева ден книгагудо вуйлатыше Татьяна Ананьевна эртарат. Кажне эрдене Юрий Романович сылне сем почеш зарядкым ыштыкта. Тудлан Ева Николаева эре полша.
Отрядыштына кажне кечын оҥай деч оҥай мероприятий лиеш. Поснак Российын кечыжлан ятыр акцийыш ушненна: «Российын флагше», «Россий окна» да «Мыйын Россием» сӱрет таҥасымаш.
Надежда Сергеева.