Керек-влак Российын Йӱдвел ужашыштыже илыше шагал чотан тӱп калык-влак тӱшкаш пурат. Нуно моткоч шагалын улыт, садлан вашке йомын кертыт. Ты калык Чукотка АО-со Мейныпильгыно да Хатырко селалаште илат.
2021 ийысе переписьын данныйже почеш 23 керекым шотлымо.
Керек-шамыч акрет годсек колым кучат, теҥыз промысел пашам шуктат. Кечывалвелне пӱчым ончат. Нуно чукчо-шамычын йӱлашт почеш илат. Шкеныштым каракукку (теҥыз воктенысе калык) маныт. Шочмо йылмышт – керекский. Но тудын дене йӧршеш огыт мутлане. Утларакшым руш да чукчо йылмыла дене кутырат. Шаманизм керек-влакын ондаксекак виян, а фольклорышт корак (кутха) дене кылдалтын. Нунын илыме верышт – рокпӧрт.
XX курымышто керек-шамычын чотышт трукышто шагалемын. Нунын тӱвыраштым, йылмыштым утыжым шымлыме огыл. 2000 ийыште Россий Правительстве керек калыкым Йӱдвелын, Сибирьын, Мӱндыр Эрвелын шагал чотан тӱп калык-влакын тӱшкашкышт официально пуртен.
Википедий гыч налме фото.