Тачысе саманыште ик ойыш шуаш тӱрлӧ йӧным муын моштыман. А самырык тукымым шочмо кундемым, калыкым йӧраташ туныкташ эшеат кугурак надырым пыштен моштыман. Лач ты амал дене Шӱргыял школын туныктышо ден тунемшыже-влак Кораксола тӱвыра пӧрт пеленысе «Муро кумыл» фольклор ансамбльын чолга участницышт дене пырля Сеҥымаш кечым рӱж палемден колтышна.
1418 кече да йӱд шуйнышо Кугу Ачамланде сар историйыштына пеш кугу кышам коден. Шучко сар тӱжем дене ешыш ойгым, шинчавӱдым конден. А мыняр еҥын тушан ӱмыржӧ лугыч лийын, мыняр ӱдырамаш тулыкеш кодын, ешым ончен, йӱдшӧ-кечыже пасу пашаште, заводлаште тыршен, шкалан кодыде, сӧй мландыште илаш-колаш кредалше-влаклан кочкышым колтен. Нунак чодырам руымаште, шолым волтымаште тыршеныт.
Мемнан республикна гыч 130 тўжем наре але тыште илыше кажне нылымше е‰ фронтыш каен. Нунын коклаште 3587 ўдырамаш лийын. Сар гыч 98 ўдырамаш пºртылын огыл. Марий кундемеш шочын-кушшо нылле утла е‰лан Совет Ушем Герой лўмым пуымо.
Мемнан Кинер кундем гыч 710 е‰ сарыш каен, шукынжо пиалан илыш верч шке вуйыштым пыштеныт. Туге гынат нунын подвигышт нигунам огеш мондалт, мемнан шўмыштº ила. Самырык тукым да Кинер кундемыштына илыше калык шучко сарыште мемнан тыныс илышна верч вуйыштым пыштыше салтак-влакын сай пашаштым аклен моштышт манын, кажне ийын обелиск воктене кугу мероприятийым эртарен шогена. Тушко кажныже ушна: тунемше-влак мурым мурат, почеламутым лудыт, туныктышо-шамыч йочам ончылгоч ямдылат, а «Муро кумыл» ансамбль марлаҥдыме «Катюша» муро дене пайремым почеш да шочмо мландылан пӧлеклалтше мурйолваж дене митингым мучашла. Лач тыге ме чылан пырля ик ой дене самырык тукымым шуарен толына.
Ятыр поро мут йоҥген пайрем мучко Шӱргыял школ вуйлатыше Т.Гаврилова, Кораксола тӱвыра пӧртын художественный вуйлатышыже Н.Сергеева, сар жапын икшывыже О.Александрова, СВО-што курымешлан шке вуйжым пыштыше Алексей Игнатьевын аваже Валентина Георгиевна деч. Ольга Михайловна Александрова Кугу Ачамланде сарын кочыж нерген каласкален гын, а Валентина Георгиевна Игнатьева шке эргыжлан серыме «Россий салтак» почеламутым лудын пуэн.
Елена Григорьева, Шӱргыял школын вожатыйже да Кораксола тӱвыра пӧртын вуйлатышыже.
Снимкылаште: Сеҥымаш кечым палемдыме годым.
