Йошкар-Олаште Республикысе калыклан паша верым ситарыме рӱдерыште 14 гыч 18 ияш марте ӱдыр-рвезе-шамычлан вакансий ярмиҥга лийын. Тудо самырык еҥ-шамычлан тунемме деч каныме жапыште пашам ыштен, ты аланыште икымше опытым погаш ышталтеш.
Ярмиҥгаш 60 утла ӱдыр-рвезе ушнен. Нунын дене пырля ача-авашт толыныт. Самырык еҥвлаклан «Региональная сеть предприятий питания» ООО («Вкусно и точка»), «Заводская» ООО, «Агроторг» ООО предприятий-шамыч икмыняр вакансийым темленыт. Ӱдыр-рвезе-шамыч пашам темлыше компанийын специалистышт дене тӱрлӧ йодышым каҥашеныт, ончылгоч собеседованийым эртеныт, икте-весылан анкетым возаш полшеныт.
Тылеч посна подростко-влаклан профориентационный мероприятий-шамыч лийыныт. Калыклан паша верым ситарыме рӱдерын специалистше-влак консультацийым эртареныт, келшыше йыжыҥым ойыраш полшеныт, кызытсе илышыште могай профессий-влак йодмашан улмо нерген каласкаленыт.
Марий Эл Республикысе калыклан паша верым ситарыме рӱдерын директоржо Артём Санников тыгерак палемден:
– Кеҥежымсе подработко тунемше-шамычлан оксам ыштен налаш веле огыл полша, тиде – ойырен налме профессийыш икымше ошкыл. Подростко-шамыч ярмиҥгаш кумылын ушнат. Нуно пашам темлыше специалист-шамыч деч иктым-весым умылкалат. Садлан мемнан тӱҥ задачыланна молодёжьлан ты корным лӱдыкшыдымын тӱҥалаш полшымаш шотлалтеш.
Каласыман, самырык еҥ-влаклан тыгай сынан ярмиҥга-шамыч, чынжымак, ик жаплан веле огыл пашам муаш полшат. Ончыкыжым нуно подростко-шамычлан карьерым чоҥымаште кугу кышам кодат. Марий Эл Республикысе калыклан паша верым ситарыме рӱдерын колтымо материалже негызеш возымо.