Марий Элысе сайлымаш комиссий Россий Федераций Федеральный Собранийын Кугыжаныш Думышкыжо индешымше созывыш депутат-влакым сайлаш кандидат-шамычым регистрироватлымым мучашлыме нерген увертарен. Йӱклымаш 2026 ий 18, 19 да 20 сентябрьыште лиеш.
Республикыште илыше кажне еҥлан сайлымаште кок бюллетеньым пуат: икымше – политический партий верч йӱклаш, кокымшо – кандидат-влак верч. Республикысе 27-ше №-ан ик мандатан округышто 10 кандидатым регистрироватлыме.
Партий-влакан бюллетеньыште кажне избиратель ончылно 11 партий лиеш, округысо бюллетеньыште 10 кандидатым возымо.
Регистрироватлыме кандидат-одномандатник-влак списке (алфавит почеш):
Гаврилов Андрей Владимирович, «Новые люди» политический партий деч;
Глущенко Наталия Владимировна, Справедливая Россия социалистический политический партий деч;
Иванов Николай Алексеевич, Коммунистическая партия коммунисты России политический партий деч,
Казанков Сергей Иванович, КПРФ – Коммунистическая партия Российской Федерации – партий деч;
Козлова Наталья Николаевна, «Единая Россия» политический партий деч;
Макарова Анастасия Геннадьевна, «Российская экологическая партия «Зелёные» политический партий деч;
Мишина Ольга Васильевна, «Родина» политический партий деч;
Свинин Павел Иванович, Пенсионер-влак партий деч;
Телятьев Иван Сергеевич, «Яблоко» российысе объединенный демократический партий деч;
Шерстобитов Алексей Вячеславович, ЛДПР – Российысе либерально-демократический партий деч.
Пагалыме избиратель-влак! 18, 19 да 20 сентябрьыште шке йӱкдам пуыза. Кажне йӱк республикнан да элнан ончыкылыкшо верч моткоч кӱлешан!