2027 ийыште кундемыштына аграрный кластерым почыт. Йошкар-Оласе Аграрно-строительный техникум «Молодёжь и дети» нацпроектын «Профессионалитет» проектше кышкарыште тунемме тӧнежыште ялозанлык отрасльым вияҥдаш грантым сеҥен.
Тудын кугытшо 100 миллион теҥгеш шуэш. Тылеч посна республикысе бюджет гыч 35 миллион теҥгем, проектын участникше (пашам пуышо организаций-влак) 25,8 миллион теҥгем ойыраш палемденыт. Окса дене кызытсе илышлан келыштаралтше оборудованийым, шинчымашым нӧлташ полшышо технический средствам да программный обеспеченийым наледат. Техникумышто тидлан лӱмын куд кумдыкым келыштарат: цифровой мланде пашам шуктымо гыч тӱҥалын ялозанлык машина-влакым олмыктымо да электротехнике лабораторий марте.