23-26 июньышто Уфа олаште Россий калык-влакын икоян улмо идалыклан пӧлеклалтше Всероссийский йоча фольклориаде эртаралтеш.
Тушко шке калык тӱвыражым, йӱлажым да усталыкшым ончыкташ 80 кундем гыч 1000 утла участник миен. Фестивальым почмо кечын изи артист-влак дене пырля уна-шамыч выступатленыт, нунын коклаште – Российын сулло артисткыже М.Девятова. Нине кечылаште Келшымаш хоровод, парад, ончер, мастер-класс, модыш да флешмоб-влак лийыныт. Фестиваль Zainetdin этно-шоу дене мучашлалтеш.