20-26 апрель – Иммунопрофилактикын кӱлешлыкше нерген палдарыме арня (24 апрельыште палемдалтше Иммунизацийын тӱнямбал арняже вашеш)
але Ача-ава-влаклан прививке да туберкулинодиагностике нерген мом палыман?
Российысе профилактический прививке-влак национальный календарь почеш, йочасадыш кайыме жаплан икшывын икмыняр инфекций ваштареш иммунитет лийшаш. Тидын нерген Йошкар-Оласе Л.И.Соколова лӱмеш йоча эмлымверын тӱҥ врачын поликлинике паша шотышто алмаштышыже Ольга Генина умылтара.
Кум ияш марте йочалан обязательный вакцине-влак.
- В гепатит: азам ыштыме пӧртыштак ньогалан, шочмекыже, 24 шагат жапыште ыштат, вара ик да куд тылзашыже годым.
- Туберкулёз: БЦЖ прививкым аза ыштыме пӧртыштак 3-7 кечыште ыштат.
- Дифтерий, коклюш, столбняк (АКДС), полиомиелит, гемофильный инфекций: вакциным кум гана 3, 4,5 да 6 тылзашыж годым ыштат. АКДС ваштареш вакциным 18 тылзашыж годым уэш ыштат, полиомиелит ваштареш – 18 да 20 тылзаш, гемофильный инфекций-влак ваштареш – 18 тылзаш лиймекыже.
Йочасадыш колтымо деч ончыч тушко коштшо ӱдыр-рвезе-шамычлан поснак кӱлешан вакцине-влак.
Пневмококковый инфекций. Пневмококк – ОРВИ деч вара бактериальный осложненийым пуышо тӱҥ амал – отит, бронхит, пневмоний да менингит лийын кертыт. Вакцине пневмококкын 13 эн шучко штаммже деч арала да вашкерак эмлалташ полша. Вакциным ньогалан 2 да 4,5 тылзашыж годым ыштат. Уэш – 15 тылзаш лиймекыже.
Гемофильный инфекций (ХИБ-инфекций). В типан haemophilus influenzae (ХИБ) вич ияш марте йоча-влаклан поснак лӱдыкшӧ, тудлан кӧра шӱйшӧ менингит, эпиглоттит да пневмоний лийын кертыт. Вакцине комбинированный препаратыште уло (мутлан, Пентаксим), тыге икмыняр инъекций олмеш иктым ышташ лиеш.
Полиомиелит нерве системым пытара, тыге инвалидность марте шуктен кертше паралич перен сеҥа. Ты чер деч эмлалташ ок лий, садлан тӱҥ аралтыш – вакцинаций гына. Икымше ныл дозо – инактивированный (пуштмо) вакцине (ИПВ). Умбакыже – илыше (ОПВ), тудо шолышто сай иммунитетым ышта. Илыше вакцинан йоча-влак 60 кече жапыште вирусым йырым-йырысе средаш луктын кертыт. Санитарный правил почеш, ОПВ-ым налше йоча-влак прививкым ыштыктыдыме икшыве—шамыч дене пырля лийшаш огытыл, уке гын вакциноассоциированный полиомиелит дене черланен кертыт. Прививкым ыштыктыдыме йочам вес группыш кусарыман, тидым ышташ йӧн уке гын, тудым ик жап йочасадыш коштыктыман огыл.
Ырлыган (корь) да йошкар тамган чӱнча налмаш (краснуха) ик эн пижедылше вирусный инфекцийлан шотлалтыт, нуно юж дене куснат. Ырлыган уло тӱня мучко чӱчкыдын ылыжаш тӱҥалын, ты шотышто Российыштат, садлан вакцине поснак кӱлешан. Йошкар тамган чӱнча налмаш йыжыҥлан осложненийым пуэн кертмыж дене лӱдыкшӧ, а мӱшкыран ӱдырамаш-влаклан логалеш гын, плодын неле порок лийын сеҥа. Вакцинацийым ньогалан 12 тылзаш лиймекше ыштат.
Грипп – неле вирусан чер, тыгодым температур чот кӱза, интоксикаций лиеш, осложнений лийын кертме дене лӱдыкшӧ уло. Йоча-влак кугыеҥ деч чӱчкыдынрак да нелынрак черланат, садлан нунылан прививкым ыштыктыман. Вакцинаций кажне ийын сентябрь гыч ноябрь марте эртаралтеш. Иммунитет кок арняште ышталтеш, садлан прививкым черланыше шукемме деч ончыч (ноябрь-декабрь) ыштыктыман. Вакцине кажне сезонлан, ВОЗ-ын прогнозироватлыме штамм дене келшышын, уэмдалтеш.
Туберкулинодиагностике (Манту пробо да Диаскинтест): санитарный законодательстве дене келшышын, тидыже йочасадыш налме годым тӱҥ условийлан шотлалтеш. Шым ияш марте йоча-влаклан кажне ийын Манту пробым ыштат. 8 гыч 17 ияш марте йоча-влаклан – Диаскинтестым (але врачын палемдымыж почеш Манту пробым). БЦЖ прививкым ыштыктыдыме йоча-влакым идалыкыште кок гана тергат.
Икшывыда-влакын тазалыкыштым перегыза.
Марий Элысе Тазалык аралтыш министерствын материалже почеш ямдылыме.