Марий Элым Вуйлатыше Юрий Зайцев приёмым эртарен.
Козьмодемьянск гыч ӱдырамаш оласе Гагарин уремыште корным ачалаш йодын. Кум меҥге кужыт корным шотыш кондаш контрактым ышытме, пашам тений мучашлышаш улыт.
Кужэҥер посёлкышто илыше пӧръеҥ «Колокольчик» йочасад марте уремым волгалтараш кӱлмӧ нерген ойлен. Ты объект «Формирование городской среды» федеральный проект почеш йӱклымаште ончыл верым налеш. Пашам 2027 ий марте ыштен шукташ палемдыме.
Оршанке район Тошто Крешын- Кӧрдӧ корным олмыкташ кӱлмӧ нерген йодышат пурен. Тидын шотышто документаций ямде, пашам ты тургымышто шуктышаш улыт.
2025 ийыште Курыкмарий район Виловат школ леведышым шотыш конденыт, а 2027 ийыште федеральный субсидий кӱшеш школ оралтым капитально олмыктат.
– Чыла йодыш шотышто шуктымо пашам шке тергем. Кажне районышто илышым саемдыме шотышто тыршаш тӱҥалына, – ойлен Ю.Зайцев.