Кундемыштына самырык инспектор-влак толкынын «Лӱдыкшыдымӧ орава» конкурс 47-ше гана эртаралтын.
Команде дене тӱшка зачётышто икымше верым Курыкмарий округысо Микрӓк школын командыже налын. Кокымшо – Йошкар-Оласе 31-ше номеран школ, кумшо – Козьмодемьянск оласе «Дарование» интернат-школ.
Сеҥыше команде Марий Элын чапшым ынде «Безопасное колесо» Российысе таҥасымашыште аралаш тӱҥалеш. Тудо «Смена» Всероссийский Йоча рӱдерыште лиеш.
Кундемыштына самырык инспектор-влак толкын вияҥеш. Тачысе кечылан республикыштына 197 отрядыште 2643 тунемше шуаралтеш. Нуно ГАИ-н да туныктышо-шамычын ӱшанле полышкалышышт улыт. Ӱдыр-рвезе-шамыч шке таҥашышт-шамыч дене тӱрлӧ просветительский пашам шуктат. Модыш але вес йӧн дене пайдаланен, велосипедым лӱдыкшыдымын виктараш туныктат, корно правилым шукташ кумылаҥдат, икымше полыш нерген палдарат.
Палемдыман, кажне ийын «Радужный» рӱдерыште самырык инспектор-шамычлан рофильный смене эртаралтеш.