Кундемыштына кушкылым ончен куштымо да кормам ыштен налме «Агротехник» образовательно-производственный рӱдерын (кластер) выпускникше-влаклан дипломым кучыктеныт.
Нуно «Молодёжь и дети» нацпроектын «Профессионалет» федеральный проектшын Марий Элысе икымше выпускникше улыт.
Ончыкылык специалист-шамычым Йошкар-Оласе аграрный колледжыште (ПГТУ-н структурный подразделенийже) да Звенигово оласе Транспортно-энергетический техникумышто пайремлын саламленыт. Нуно практико-ориентированный шинчымашым у йӧн почеш налше икымше профессионал улыт.
«Электротехнические системы в агропромышленном комплексе (АПК)» специальность почеш шинчымашыштым нӧлтымӧ годым теорий дене пырля регионысо вӱдышӧ пашам пуышо организаций-влакын кейсыштым пырля тунемыныт. 29 еҥ гыч кум выпускникын дипломыштыжо чыла отметке «5» гына. Тидыже специалист-шамычым кугу кӱкшытыштӧ ямдылыме нерген ойла.
Марий Элысе Образований министр Лариса Ревуцкаян палемдымыж почеш, тунемме программе-влак ешартыш профессионал блок гыч шогеныт. Нуным студент-шамычлан аграрный предприятийын экономике секторжым виктарыше еҥ-шамыч ямдыленыт. Тушто регионысо ялозанлык аланым вияҥдаш полшышо, кызытсе илышлан да ончыкылыклан йодмаш-влак шотыш налалтыныт.