Изватышудо лышташым кеҥеж гоч погаш лиеш.
Тудо пуалмым пытара, кокыртыш годым руным сайын тӧргалтара, садлан, кылмен черланыме, пӱсӧ да хронический бронхит, пневмоний годым пайдале. Ларингит, трахеит, ангине годымат кучылташ сай. Тыгак шолын да пагарын пашаштым саемда, коваште черымат эмла.
200 мл шокшо вӱдыш ик кугу совла коштымо тыгыдемдыме изватышудо лышташым пыштыман, пел шагат шинчыктыман да шурыман. Лемым кылмен черланыме да кокырымо годым кочмо деч вара 1-2 кугу совла дене кечеш 3-5 гана йӱман, пӱсӧ да хронический бронхит, шодо пуалме, бронхиальный астме годым – кочмо деч вара ¼ стакан дене кечеш ныл гана, шоло да пагар чер годым – яра пагареш ик кугу совла дене кечеш 3-4 гана, аппетит уке годым – кочмо деч пел шагат ончыч ¼ стакан дене кечеш кок-кум гана, артрит годым – кочмо деч пел шагат ончыч ик кугу совла дене кечеш 3-4 гана.
Ларингит да фарингит годым изватышудо лышташым, эҥыж лышташым да мальва лышташым, шалфейым икнаре гыч налман. 200 мл шокшо вӱдыш ик кугу совла шудо вартышым пыштыман, ик шагат шинчыктыман да шӱрыман. Ты леч деен логарым кечеш 5-6 гана тӧрланымешке шӱалтыман.
Свежа изватышудо лышташ сок шекшым, пӱжвудым лукташ полша, пуалмым пытара. Тудым ринит годым нерыш чӱчыктат. Тыгак шӱйшӧ сусырыш йыгаш лиеш. Насекомый пурлмо вер лӱгышта гын, тушкат йыгаш пайдале.
Свежа лышташым корштышо йыжыҥыш йӱдлан пышташ сай, ӱмбач шокшо шовыч дене пӱтыралман.