Марий Элысе Избирком Кугыжаныш Думыш депутат-влакым сайлымылан ямдылалтеш.
Российысе ЦИК-ын пунчалже почеш йӱклымаш кум кече эрта – 2026 ий 18, 19 да 20 сентябрьыште. Марий Эл Республикыште сайлымашым 18 территориальный да 401 участковый избирательный комиссий эртара.
Тачысе кечылан комиссий-влак комплексный планым шукташ тӱҥалыныт:
– нормативно-правовой документ-влакым да методический материал-влакым ямдылат да пеҥгыдемдат;
– избирательный комиссий-влакын членыштым профессионально ямдылат;
– материально-технический базым да сайлымаште шуко кӱкшытан лӱдыкшыдымылык системым ямдылыме шотышто республикысе Правительстве да кучемын органже-влак дене кылым ыштат.
Калыклан йӱклаш йӧнан лийже манын, «Мобильный избиратель» механизм пашам ышташ тӱҥалеш, тыге кеч-могай участкыш миен, йӱкым пуаш лиеш.
Тылеч посна Марий Элысе Избирком дистанционный электрон йӱклымаш (ДЭГ) шотышто йодмашым колтен.
Кызыт кандидат-влакым ойырымо жап кая, тудо 11 июль марте шуйна.
Республикысе Избирком шке девизшым тыге палемден: «Сайлымаш, кудылан ӱшанаш лиеш. Лӱдыкшыдымылык, кудо шукталтеш».