Марий Элыште Российысе калык-влакын икоян улмо идалыкыштлан планым пеҥгыдемдыме.
Ты шотышто оргкомитетын икымше заседанийыште эртаралтын. Тудым Марий Элым Вуйлатыше Юрий Запйцевын кӱштымыж почеш Марий Эл Правительстве Председательын икымше алмаштышыже Евгений Курмаев вӱден.
Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов Российысе калык-влакын икоян улмо идалыкыштым эртарыме планым ойлен. Тиде радамыш 64 мероприятийым ойырен налме, тиде: фестиваль, выставке, концерт, театральный проект, тыгак калык-влак кокласе кыллан пӧлеклалтше научный ден мер форум-влак. Мероприятий-шамычын тӱҥ шонымашышт – Российысе чыла калыкын иктӧр улмыштым, Родиным йӧратымыштым пеҥгыдемдаш да тудым аралаш, республикна да элна верч пашам ышташ кумылаҥдаш.