Легально огыл пашам ыштыме ваштареш кучедалме Марий Элысе бюджетыш ешартыш налог выплате семын 240 млн наре теҥгем конден.
Шолып пашам ыштыше-шамыч дене кучедалме мероприятий-влак нерген Марий Элым Вуйлатыше Ю.Зайцевын эртарыме регионысо Правительствын заседанийыштыже ойленыт. Паша да калыкым социально аралыме министрын пашажым шуктышо Э.Загрутдиновын палемдымыж почеш, 2025 ийыште паша инспекцийыш да прокуратурыш еҥ-влакын паша праваштым пудыртымо шотышто 50 наре материалым колтымо. Тергымашым эртарыме деч вара 10 еҥым административно мут кучаш шогалтыме. 600 наре паша верым пуышо шке пашаеҥже-шамычлан пашадарым кугемден, тыге бюджетыш 75 млн наре теҥге НДФЛ-ым да 173 млн наре теҥге страховой взносым конден.