11-17 сентябрьыште Екатеринбургышто «Вкусы народов мира» кугу гастрономический фестиваль лийын. Тушко элнан 50 регионлжо гыч 100 наре повар, тыгак Китай, Индий, Сирий гыч мастар-шамыч ушненыт.
«Мари» кафен шеф-поварже Екатерина Кожевникова тушто команмелнам кӱэштын, а «Тёплая речка» трактир-кухньын командыже кайыквусо шыл гыч тамле кочкышым ямдылен, подкогыльым тӱрлен да кумдан чапланыше «Царевококшайский окорокшо» дене сийлен.
Фестивальыште чылаже 136 тӱрлӧ калык кочкышым ыштеныт, 20 тӱжем наре порцийым тамлен ончаш ямдыленыт, 19 блокышто мастер-классым да кулинар шоум эртареныт.
Тыгай кӱкшытан фестивальын авторжо – «Гастрономическая карта России» федеральный проектлан негызым пыштыше да тудым вуйлатыше – Екатерина Шаповалова.