«Герои Марий. Талешке-влак» проектын участникше Сергей Иванов гидротехнический сооруженийлам шымлымаште участвоватлен
Кодшо арнян чрезвычайный ситуаций лийын кертме лӱдыкшым ончылгоч кораҥдыме да пытарыме шотышто комиссийын пунчалжым шуктымо шот дене Марий Элысе Минприродын специалистше-влак Верхне-Волжский бассейновый вӱд управлений да Ростехнадзорын Приволжский управленийже гыч коллегышт дене пырля Медведево районысо да Йошкар-Оласе гидротехнический сооруженийлам (ГТС-ым) шымленыт.
Тергыме жапыште 7 ГТС-ым шымлыме. Эксперт-шамыч организационно-распорядительный документацийым ончалыныт, объект-влакын технический состоянийыштым акленыт да шошо вӱдшор жапыште пашам ӱшанлын ышташ манын, нуным умбакыже кучылтмо шотышто темлымашым каҥашеныт.
Палемдыман: рейд шымлымаш 24 март гыч шуйнен, комиссий чылаже 32 ГТС-ым терген.
Марий Элысе пӱртӱс аралтыш министерствын фотожо.