15-17 апрельыште Медведево посёлкысо тӱвыра полатыште йоча театр коллектив-влакын «Театральная юность Марий Эл» республикысе фестивальышт лийын. Тушко Йошкар-Ола, Киров олала, Медведево, Звенигово, Морко, Оршанке районласе йоча коллектив-влак ушненыт.
Тений Гран-прим Оршанке районысо «У Мурочки» образцовый театр-студий налын. Вуйлатышышт – М.Ефремова. Артист-шамыч Наталья Шорын «Раз. Два. Три, четыре, пять… Машенька идёт гулять» спектакльым ончыктеныт.
I степенян лауреат лӱмым
Медведево районысо «Дебют» образцовый театральный студий, Киров оласе «БУКА» театр-студий, «Поколение» театральный кружок ден Звенигово район Красногорский посёлкысо «Лотос» хореографический студий суленыт.
II степенян лауреат-влак Йошкар-Оласе «Воштончыш»образцовый музыкально-драматический театр, Медведево районысо «Школа волшебников» йоча театральный студий улыт. III степенян лауреат лӱмым
Морко посёлкысо образцовый театр, Медведево район Арбан калык театр,
Йошкар-Оласе «Изи воштончыш», Медведево районысо «Дебют» студийын кугурак группыжо налыныт.
Медведево районысо «Вести» газетын ВК-се тӱшкаж гыч налме фото.