Марий Эл гыч эше кум проект Российысе «Знание» обществын грантшым налеш
Ешартыш финансирований Российысе «Знание» обществын ача-ава сообществыже-влакын инициативе конкурсын кумшо тургымыштыжо сеҥыше-влакын чотыштым кумдаҥдаш йӧным ыштен. Ынде 400,5 миллион утла теҥгеаш грантым Российын 66 регионжо гыч эше 392 проект налеш. Нунын радамыште – Марий Эл Республик гыч 3 проект, нуно шке инициативыштым илышыш пурташ 3,3 миллион наре теҥгем налыт.
Ондак 5 проект сеҥышыш лектын, нуно чумыр налмаште «Духовно-нравственное воспитание», «Патриотическое воспитание», «Эстетическое воспитание», «Гражданское воспитание», «Физическое воспитание», «Социализация подростков группы риск» направленийла дене инициативым илышыш пурташ – 5 миллион утла теҥге.
Российысе «Знание» обществын 8,3 миллион утла теҥгеаш грант оксаже Марий Элысе ача-ава ушемын кандаш инициативыжым илышыш пурташ йӧным ышта.
Палемдыман, конкурс отборым ондак сайын эртыше да грантым пуаш темлыме инициативе-шамычын переченьышкышт пуртымо проект-влак ешартыш полышым налыныт. Ача-ава ушем-шамыч школлаште, йочасадлаште, колледжлаште да моло образований организацийлаште воспитательный пашам вияҥдаш, йоча-влаклан у йӧным ышташ да еш ден педагог-шамыч коклаште вашкылым пеҥгыдемдаш оксам колтат.
Йошкар-Оласе М.В.Ломоносов лӱмеш лицей «Духовно-нравственное воспитание» направлений дене «Клуб общения «Диалог: вместе о важном»» проектым илышыш шыҥдараш 1 миллион теҥге грантым налеш.
Марий Элысе рӱдолан 31-ше №-ан кыдалаш школжо «Экологическое воспитание» направлений дене «Зеленая перемена» проектым илышыш шыҥдараш 396,9 тӱжем теҥге грантым налеш.
А.С.Пушкин лӱмеш 4-ше №-ан гимназий «Эстетическое воспитание» направлений дене «Школьный музей: по страницам истории гимназии с Пушкином» проектым илышыш шыҥдараш 1,86 миллион теҥге грантым налеш.
Проект-шамычым 15 ноябрь марте мучашлыман, а отчётностьым – 27 ноябрь марте «Электронный бюджет» системыште пуыман.
Конкурсын организаторжылан Россий Просвещений министерствын полшымыж дене «Знание» обществе шотлалтеш.