«Сосновая роща» йоча-влаклан тазалыкым пеҥгыдемдыме лагерьыште Шочмо элым аралыше, специальный военный операцийын участникше-влак Иван Шарапов да Виталий Кутюков дене вашлиймаш эртаралтын.
Ӱдыр-рвезе-шамыч пӧръеҥ-влаклан тӱрлӧ йодышым пуэденыт: службо, чын йолташ лийме, Шочмо элым йӧратыме нерген. Вашлиймашын эн чот шарналт кодшо татше – «Орлятский круг»: икте-весе дене кид кучен да йыр шогалын, гитар сем почеш йӧратыме муро-влакым пырля муреныт.