Эртыше каныш кечылаште Йошкар-Олаште иймаш дене Марий Элысе Чемпионат ден Первенстве эртаралтыныт.
Тушто эмганыше опорно-двигательный аппаратан спортсмен-шамыч таҥасеныт, нунын коклаште – СВО-што сусыргышо вич ветеран.
Советский район гыч Станислав Якаев ампутант-шамыч коклаште икымше лийын. Спецопераций геройын кок йолжыге пӱчкын налыныт, палдарат «Защитники Отечества» фондын Марий Элысе филиалыштыже.
– Кажне еҥ могай-гынат нелылык дене тӱкна, но кидым нигунам волтен колтыман огыл. Шке примерем дене инвалидностян моло еҥланат ончыктынем: эмганыме деч вара илыш чарнен ок шогал. Чонлан келшыше сомылым муаш, шкем вияҥдаш, да спортыштат, тыглай илышыштат сай лектышыш шуаш эре лиеш, – манеш С.Якаев.
«Защитники Отечества» фондын Марий Элысе филиалжын архивше гыч налме фото.