Эртыше кечылаште Медведево посёлкысо «Олимп» стадионышто Россий ФСИН-ын вузлашкыже тунемаш пураш шонышо кандидат-шамыч спорт нормативым сдатленыт.
Йошкар-Оласе да районысо школлам тений тунем пытарыше 30 еҥ: 9 рвезе да 21 ӱдыр – вийжым терген. Рвеезе-влак 100 да 1000 метрым куржыныт, турникыште капыштым нӧлтеныт. Ӱдыр-влакат – тыгак, но перекладиныште упражнений олмеш нуно отжиманийым ыштеныт. Чыла кандидат палемдыме нормативым шуктен.
Рязань, Самара, Владимир, Пермь, Вологда да Воронеж олаласе ведомственный вузлаште очно тунемаш тений Марий Эллан 12 верым ойырымо. Марий Элысе УФСИН увертара: Россий ФСИН-ын ведомсвтенный вузлашкыже тунемаш пураш да ончыкыжым уголовно-исполнительный системыште служитлаш шонышо ӱдыр-рвезе-шамыч лекше йодышым 8(8362) 68-65-84, 68-69-17 номеран телефонла дене йыҥгыртен рашемден кертыт. Йодмаш-влакым июнь мучаш марте вучат.