Специальный военный операцийын участникше, «Багай» позывноян салтак шукерте огыл мӧҥгыжӧ отпуск жаплан толын. Пӧръеҥ волонтёр-шамыч дене вашлияшат жапым муын.
Шочмо элым аралыше-влакын ешыштын Звениговысо комитетыштын активистышт тудым пӧлек деч посна колтен огытыл: кок маскироватлалтме сеткым пуэныт.
«Багай» Йошкар-Оласе 28-ше №-ан школышкат пурен лектын. Туштат волонтёр-шамыч дене вашлийын кутырен. Салтак службо нерген каласкален да шкежат нашлемникым пидын ончен. Варажым тудо «Леший» маналтше маскироватлалтме накидкын тушман ваштареш аралалташ кузе полшымыжым ончыктен.