«Зарнице 2.0» Всероссийский военно-патриотический модмашын регионысо йыжыҥыштыже сеҥыше Волжск оласе 9-ше номеран школын «Родина школа 9» командыже конкурсын тӱҥ таҥасымашкыже ушнен.
Конкурс Волгоград кундемысе «Юный Ястреб» военно-патриотический базын кумдыкыштыжо эрта. Участник-шамыч шым тӱрлӧ условно-военный специальностьышто: командир, связитс, военкор, инженер-сапёр, медик, штурмовик, БПЛА-оператор вийыштым тергат. Тылеч посна тактический медициныште, огневой да тактический ямдылалтмаште, радиационный, химический, биологический аралалтмаште да моло вереат таҥасат.
Финалын кульминацийже – Кугу военно-тактический модмаш. Тудо шке куатше дене ойыртемалтеш: участник да ончышо-шамычым илышысе чын кредалмашыш «пурта».