Марий Элым Вуйлатыше Юрий Зайцев Марий кундемысе военкоматын пашаеҥже ден ветеранже-влакым лӱмгече дене саламлен.
Тудо палемден: военкомат – кугыжанышын ӱшанле эҥертышыже, коллективлан пашам сайын шукымыштлан таум ойлен.
– Тиде лӱмгече верысе военный управлений орган-влакын чапым налше корныштым шарналташ йӧным ышта. Тыште призывной кампанийлам эртарат, Ачамландым аралыше-шамычым ямдылат, мобилизаций шотышто задачым шуктат. Тендан пашада армий ден флотын бойышто шоген моштымашыжым ешарымашке кугу надырым пышта.
Военный комиссариат специальный военный операций участник-влаклан да нунын ешыштлан полшышо социальный мероприятийлам шукта. Тидыже республикыште илыше-влакын пагалымашыштым сула. Саламлем тендам лӱмгече дене сеҥымашым, вийым, пеҥгыдылыкым да патырлыкым тыланем, вет тендан пашада эллан кызыт моткочак кӱлешан, – каласен Юрий Зайцев.
Военный комиссариат-шамычын историйышт Марий Элыште 1921 ий 8 сентябрьыште тӱҥалын. Лач тунам губернийысе праван военный комиссариатым ышташ пеҥгыдемдыме. Областьын икымше военкомжо Михаил Товашов лийын. Кугу Отечественный сар жапыште Марий кундем гыч 130 тӱжем утла еҥ фронтыш каен, 50 тӱжем утла еҥже пӧртылын огыл. Сеҥымаш деч вара военкомат демобилизоватлыме фронтовик-влакым, военнопленный-влакын лӱмыштым пӧртылтымӧ, увер деч посна йомшым мумо шотышто тыршен.
Юрий Зайцев кугыжаныш да ведомственный наградым кучыктен.