6 апрельыште Российысе Экономике вияҥмаш министерствын увертарымыж почеш, тений 11 май гыч визе деч посна Саудовский Аравийыш пураш лиеш.
Но пашам ышташ, тунемаш да королевство кумдыкышто илаш огыл. Тыгак паломник семынат кайыше-влаклан визе кӱлеш. Тыгак министр М.Решетников 2 апрельыште увертарен: кызыт Малайзий, Бахрейн да Кувейт денат визовый режим шотышто мутланат. Тыгак Индий да Вьетнам денат тӱшка визе деч посна пурен кертме нерген кутырат. Тидлан кӧра пытартыш кок ийыште Российыш 5,6 миллионлан шукырак турист толын кертын. Вет кодшо ийын Китай да Оман дене визе шотышто ойпидышым ыштыме.