Калык фронт
Фронтышто улшо земляк-шамычлан полшаш Марий Элыште илыше-влакын ЖКХ-лан тӱлымӧ квитанцийыштышт Калык фронтын QR-кодшо вераҥдалтын.
Марий Элысе Калык фронт «Чистый город» АО дене пырля спецоперацийын участникше-влаклан полшаш у йӧным илышыш шыҥдарен. Еҥ-шамыч «Всё для Победы!» регионысо сборыш кажне тылзын коммунальный услугым тӱлмӧ годым ушнен кертыт. Квитанцийысе QR-кодым сканироватлен, кеч-могай суммым колташ лиеш. Чыла окса Калык фронтын «Всё для Победы!» регионысо счётышкыжо кая.
Ондак СВО-лан полшымо шотышто Президентский толкынын инициативыжым, тидын шотыштак Калык фронтын «Час для Победы» акцийжым, Марий Элым Вуйлатыше Юрий Зайцеват сайлан шотлен ыле. Чыла окса мемнан военнослужащий-влакын йодмышт почеш оборудований ден снаряженийым налаш колталтеш.