Марий Элысе Тазалык аралтыш министерстве «Продолжительная и активная жизнь» нацпроектын «Модернизация первичного звена» регионысо программыж почеш 2027 ийыште эртарышаш мероприятий-влаклан ямдылалтеш.
Тазалык аралтыш министрын алмаштышыже А.Ушакован палемдымыж почеш, шушаш жапыште тенийлан палемдыме пашам мучашлыман да 2027 ийлан ямдылалташ тӱҥалман. Вес ийын кум объектым капитально олмыкташ палемдыме: Медведево да Советский районласе рӱдӧ эмлымвер-влакым да Кужэҥер районысо эмлымверын стационаржым. Тидлан 196 млн наре теҥгем ойыраш палемдыме. Проектно-сметный документацийым ямдылаш 3,7 млн наре теҥгелан контрактым ыштыме, оксам республикысе бюджет гыч ойырымо.
2027 ийыште Медведево районысо рӱдӧ эмлымверын Кузнецово врачебный амбулаторийжылан да Волжск оласе рӱдӧ эмлымверын Пӧтъялысе ФАП-лан блочно-модульный конструкцийым чоҥаш, тыгак 154 млн наре теҥгеаш кум медицине оборудованийым налаш палемдыме: Волжск оласе рӱдӧ эмлымверлан магнитно-резонансный томографым, Звенигово оласе рӱдӧ эмлымверлан стационарный рентген аппаратым да Сар ветеран-влакын республикысе клинический госпитальлан маммографым.
Вес ийлан чоҥаш палемдыме модульный конструкций-влаклан мланде участкым кызытак ойырат да документым ямдылат, проект почеш пашам шукташ контракт-влакым ыштат.
Марий Элысе Тазалык аралтыш министерствын материалже негызеш ямдылыме.