Российыште вес кундемыш илаш куснышо еҥ-влаклан телефонысо шке номерыштым аралаш йӧн ышталтеш.
Тыгай услуго 1 сентябрь гыч илышыш шыҥдаралтеш. Тидлан абонент, связь оператор деке миен, йодмашым возышаш. Тыгак дистанционно кыл операторын офицальный сайтше але Госуслуго портал гоч ышташ лиеш. Кызытат шке номер дене вес регионышто пайдаланаш лиеш, но ончычсо тарифный план почеш ятырлан шергынрак лектеш.