8 июльышто, Еш, йӧратымаш да ӱшанле улмо кечын, Йошкар-Оласе Ботанический садыште у еш шочмым Кузнецовмыт палемдаш тӱҥалыт.
Оршанкысе шуко профилян колледжын директоржын алмаштышыже Дмитрий Кузнецов ПГТУ-н студенткыже Анна Егошинам марлан налеш. Лач нунылан сӱан марш йоҥгалтеш.
Ӱдыр-качылан кава йымалысе пайремым Российысе Минобранукын «Семейный диплом» акцийже почеш эртарат.