Марий Элысе тӱвыра, печать да калык-влакын пашашт шотышто министерстве «Пушкин карте» программе кышкарыште Российысе «Веди родителей в музей, театр, концертный зал» акцийым регионышто эртараш пунчалын.
«Пушкин картын» озаже-влак тӱвыра мероприятийлашке яра пурен кертыт, ача-авашт тыгодым билетлан 10 процент скидке дене оксам тӱла. Ты льгото дене театрыш, тоштерыш, галерейыш, концерт площадкыш мияш лиеш.
Тиде йӧн дене пайдаланаш самырык еҥ «Пушкин» карте дене налме билетшым ончыкта. А вара ачаже але аважлан (але пырлят лиеш) скидкым ыштат.
Ты акций 2026 ий 15 август марте шуйна.