Июньышто Марий Элысе техникум ден колледжлаште тунемше-шамыч кугыжаныш иктешлыше аттестацийым эртат.
Выпускник-шамыч ончыкылык профессийышт дене кылдалтше практике сынан заданий-влакым ыштат. Эксперт-шамыч ӱдыр-рвезе-влакын пашаште моштымашыштым, профессионально шонен моштымыштым, писылыкыштым да тӱткылыкыштым тергат.
Тений кугыжаныш иктешлыше аттестацийым кыдалаш шинчымашым пуышо организацийлаште тунемше 2,9 тӱжем наре студент эрта. Нунын кокла гыч 79,1% еҥже кӱшыл профиль уровенян демонстрационный экзаменым ойырен налын. Республикысе техникум ден колледжлаште 163 демонстрационный экзаменым ямдылыме, тидлан 126 рӱдер пашам ышта, 380 эксперт (утларакшым – пашам пуышо-влак) терга.