Йошкар-Оласе Экономико-правовой гимназийын да 9-ше номеран школын тунемшыже-влак Дарья Панина ден Милена Хасаншина «Артекысе» «Разговоры о важном» программын сменышкыже логалыныт.
Ӱдыр-влак тидлан лӱмын ойырымашым эртеныт. Нунын дене пырля тушко элнан 45 регионжо гыч чылаже 120 школьникым налыныт.
Нуно 10 апрель гыч 1 май марте «Артекысе» нылымше сменыште лийыт. Ты жапыштак икымше усталык лабораторий пашам ышташ тӱҥалеш. Программе почеш тунемше-шамыч журналым ыштымаште, фильмым войзымаште, интерактивный заданий-шамычым шуктымаште да разрабатыватлымаште шинчымашыштым нӧлтат.
Марий Элысе Образований министерствын сайтше гыч налме фото-влак.