Эртыше кечылаште Моско олаште «Без срока давности» шымлыме проект-влак российысе конкурсым иктешленыт. Призёр-влак радамыште – Кужэҥер посёлкысо 2-шо №-ан школышто 9-ше классыште тунемше Ариана Романова.
Наставникше, историй да обществознанийым туныктышо Людмила Евгеньевна Аблинова дене пырля ӱдыр «Нюрнберг говорит: организация голода по-нацистски» проектым («Осуждение геноцида советского народа (к 80-летию дня окончания Нюрнбергского процесса» направлений дене) ямдылен.
Конкурсын федеральный этапыштыже сеҥыше да призёр-влак финалыш ушнат да нуно тений майыште Моско олаште сеҥыше-шамычым пайремлын саламлыме мероприятийыш ушнен кертыт.
Марий Элысе Образований да науко министерствын архивше гыч налме фото.