Псковышто Российын сулло спорт мастерже Андрей Арбузовын призше верч иймаш дене «Кубок Героев» Всероссийский таҥасымаш лийын.
Марий Элын чапшым тушто Андрей Бусыгин, Дмитрий Чекулаев, Илья Столяров араленыт.
СВО-н ветеранже, Патырлык орденын кавалерже Андрей Бусыгин ты таҥасымашыште той медальым сеҥен налын. Андрей специальный военный операцийыш шке кумылын каен, артиллерист лийын. Тудо СВО деч ончыч спорт дене пеҥгыде кылым кучен, пӧртылмекыжат, капкылым вияҥдымылан, шкем пеҥгыдемдымылан кугу тӱткышым ойыраш тӱҥалын. Ӱмаште, ветеран Озаҥ олаште эртаралтше иймаш дене таҥасымашыште лу эн тале-влак радамыште лийын. Тений – кумшо. Ты таҥасымашыштак Дмитрий шымше, Илья латкокымшо верым налыныт.
Рвезе-шамыч ты таҥасымашыште виян, тале улмыштым эше ик гана пеҥгыдемденыт.