Кӱлыт: 100 г ушкал ӱй, 200 г ложаш, кум муно, 150 г сакырложаш, пел изи совла шинчал, 400 г вишне, ик кугу совла крахмал, 10 г ванилин, 250 г ӱмбал.
100 г левыктыме ушкал ӱйым сакырложаш дене лугыза. Тушкак шинчал ден ик муным ешарыза. Изин-изин 200 г ложашым пыштыза.
Ямдылме руашым салмаш пыштен, тӱржым 2-3 см нӧлтыза. 30 минутлан морозильникыш шындыза. Тиде жапыште заливкым ямдылена. Ӱмбалым, кок муным, крахмалым, ванилиным да 100 г сакырложашым пырля лугыза.
Руашым морозильник гыч луктын, кичкыдыме вишньым ӱмбакыже оптыза, а вара заливкым ешарыза.
180 градус марте ырыктыме духовкыш 45 минутлан шындыза. Кӱмекыже, йӱкшыктарыза. Пӱртньык лышташ дене сӧрастараш лиеш.
Фотом Интернет гыч налме.