— 2019 ий куштылгын эртен манын ом керт, молан манаш гын тений ачам рак черлан кӧра каен колтыш. Тыгодымак ешыштем куан лийын – кокымшо икшывем шочо. Икымшыже Эрвина лӱман, а кокымшыжо – Эрина, лӱмжӧ ме эре лийына манмым ончыкта. Кокымшо тылзе марий тӱвыра рӱдерыште пашам ыштем. Паша келша, команде сай. 2020 ийыште Марий Эллан шӱдӧ ий темеш. Ончылнына кугу задаче – марий калык погыным эртараш. Тыгак мый Россий кумдыкышто финн-угор тӱвыра рӱдывержылан вуйын шогем. Вес ийлан Башкортостан Республик Мишкан селам ойырымо.
Марий калыклан каласыме шуэш: кажне марий шке шочмо калыкшым пагалышаш. Икшырымын, ваш-ваш пагален, эн кӱлеш татыште ваш-ваш полшен моштена гын, тиде – пеш кугу куан. Мыйын шонымаште, таче марий калык ӱмбач шем пыл эркын каен колтен. Ӱшаныме шуэш, чылажат сай лиеш: экологийжат, экономикыжат. Ялозанлык-влакат вияҥышт, вет тӱҥ шотышто марий-влак ялыште кугезе вож гыч вий-куатым налыт.