Уждымо ӱзгар-влак

Тыглай кечылаште ме нине паша арвер-влакым ужын огына керт, а ОВД пашаеҥ-влакын кечышт вашеш пайрем концерт ден ончыч Г.Константинов лӱмеш театр ончылно да театрыште нуным ужаш йӧн лийын.

Мутлан, эксперт-криминалистын чемоданжым, «Папилон-М» мобильный комплексым, тӱрлӧ пистолет ден винтовко-влакым.

Эсперт-криминалистын чемоданыштыже 62 тӱрлӧ ӱзгар кия. Линейке, ручка гыч тӱҥалын пробирке, скальпель, отвёртко марте. Чемоданын нелытше – 10 кг.

«Папилон-М» мобильный комплекслан кӧра верыштак айдемын кидпалыже почеш тудын данныйжым муаш лиеш. Но айдемын кидпалыже МВД-н базыштыже лийшаш.

Выставкыштак тӱрлӧ пычал-влакым кучен ончаш лийын. Мутлан, «Драгунов – СВД-С» снайперский винтовкым.

Фотошо Василий Григорьев ден Николай Егоров (шола гыч пурлашке).

Театр ончылно ондакысе нарынче тӱсан полиций машина гыч тӱҥалын, кызытсе чапле машина марте шогеныт. Тыгак кумылан-влак автозак (заключенный але подозреваемый-влакым шупшыктышо) машинаш пурен ончен кертыныт.