У книга дене унала толын

24 февральыште Морко районысо Шлань ялыште Россий писатель ушем член, ты ялын шочшыжо Роза Салахын «Шлань в годы войны…» книга презентацийже лийын. Вашлиймаш кас клубышко эртен.

Роза Арслановна изинек ача-аваж деч посна кодын. Ачаже Кугу Отечественный сарыште колен. Садлан тулык икшыве-влак Римма аден Роза йоча пӧртыштӧ кушкыныт. Роза Салах Йошкар-Оласе пудучилищыште тунемын, вара Н.Крупская лӱмеш пединститутышто историко-филологический факультетыште кӱшыл шинчымашым налын. Тудо икмыняр лу утла изданийын авторжо. «От мира сего», «Радуга», «Детдомовец», «Пташки и зверушки» да моло книгаже улыт. Книгаже-влак Екатеринбург ден Нижневартовск олалаште савыкталтыныт.