Туныктышо – чемпион

Денис Ведерников Шернур район Моркэҥер ялыште шочын. Тушеч Киров чек марте икмыняр меҥге веле лиеш. Райцентр ден школ тораште лийыныт, сандене Денисын куд ияшыж годым ешыже Советский район Вечын селаш илаш куснен. Тысе школышто 11 классым пытарымеке, рвезе МарГУ-шко физико-математический факультетыш тунемаш пурен.

Универсиетыын 7-ше №-ан тӱшкагудышто тӱҥ шотышто спортфакын студентше-влак иленыт. Нунын дене пырля мыят спорт дене заниматлаш тӱҥалынам: тренажёрный залыш коштынам, паурлифтинг да кира спорт дене заниматленам. Тидлан кӧра мый спортивный стипендийым налынам, ойлыш Д.Ведерников.

Университетым тунем пытарымеке, ала-кушко пашам ышташ каяш кӱлын. «Тунем лекмеке, кум ий жапыште школыш пашаш огыда пуро гын, вара пурен огыда керт», – Денис туныктышо-влакын лӱдыктен ойлымыштым шарнен. Сандене Советский район Ӧрша школыш физикым да математикым туныкташ толын.

Умбакыже 2019 ий 25 октябрьыште лекше газетыште лудса!