10 январьыште Йошкар-Оласе Волков уремыште ныл пачашан пӧртысӧ пачерыште тул ылыжын. Тушто 62 ияш пӧръеҥ лийын. Туткар тул деч аралалме правилым эскерыдымылан кӧра лийын.
11 январьыште Юрино посёлкышто пӧрт йӱлен. Тул пӧртӧнчылнӧ пижын. Тиде жапыште оза-влак мӧҥгыштышт лийыныт. Пошкудо-влак 55 ияш ӱдырамашым луктын шуктеныт, а 61 ияш оза пӧртеш йӱлен колен.
11 январьыштак Медведево посёлкысо Мир уремысе пӧрт воктене Lexus, Volkswagen автомашина-влак йӱленыт, воктене шогышо Mitsubitshi машиналанат эҥгек ышталтын.