Тӱҥ онаеҥ Александр Таныгин — Конституций шотышто

1 июльышто Россий Конституцийыш вашталтыш-влакым пуртымо шотышто йӱклымаш лиеш. Марий Элын Тӱҥ онаеҥже А.Таныгин йӱклаш кайымыже да Конституцийыш вашталтыш-влакым пуртымо шотышто шке шонымашыжым ойлен:
— Ончыч изи чотан калыкын кӱлешлыкше, нунын йӱлаштым, йылмым арален кодымо шотышто тӱҥ законыштына нимо ойлалтын огыл манаш лиеш. А кеч-могай калыклан тидыже тӱҥ задачылан шотлалтеш. Кугезе йӱлам, тӱвыра поянлыкым ме арален кодышаш улына. Еш илыш да йочам ончен-куштымо, нуным чын илыш дене илаш туныктымым посна палемден кодымымат пеш кӱлешанлан шотлем. Чаманаш логалеш, калык чот элыштына шагалем толеш, тыге лийшаш огыл. Йоча-влак лийыт — илышат пеледеш. Вашталтыш-влакым тачысе Российлан келшышым темлыме манын кертам.