«Ава» шомак эн лишыл да шергакан еҥын образшым шочыкта. Лач тудо эрге ден ӱдыр-влаклан илышым пӧлекла. А шуко шочшан ава лияш – чап да куан. Шуко шочшан ава-шамычлан кугыжаныш кузе полша, могай пособийым тӱла, могай льготым темла?
2020 ийыште Марий Элыште шуко шочшан еш-влаклан, доходыштым ончен, льготым пуат. Сандене эн ончыч малообеспеченный манме статусым пеҥгыдемдаш логалеш. Чыла тӱрлӧ льгот республикыште илыше да регистрироватлалтше еҥлан гына пуалтеш.
Саде льгото-шамыч шуко шочшан еш-влаклан федеральный да республиканский бюджетла гыч тӱлалтыт. Кугыжаныш пособий-влакын кугытшым законодательстве пеҥгыдемден.
Нине йодыш-влакым теве тыгай законлаште ончаш лиеш:
– 1995 ий 19 майыште лукмо «О государственных пособиях гражданам, имеющим детей» 81-ше №-ан Федеральный закон (2018 ий 29 июльышто лукмо редакцийже);
– РФ Президентын 1992 ий 5 майыште лукмо 431-ше №-ан «О мерах по социальной поддержке многодетных семей» указше;
– 2015 ий 29 декабрьыште лукмо 399-ше №-ан «О льготах на капитальный ремонт» Федеральный закон;
– РФ-н Еш кодексше;
– «Социальное обслуживание населения. Термины и определения» 52495-2005 Р ГОСТ;
– Правительствын 2018 ий 26 январьыште лукмо «Об индексации выплат» 74-ше №-ан пунчалже;
– 2004 ий 2 декабрьыште лукмо 50-ше №-ан «О социальной поддержке и социальном обслуживании отдельных категорий граждан в РМЭ (2019 ий 22 февральыште лукмо вашталтыш дене пырля).
Ты категорий шотышто
Федеральный законодательстве почеш ийготыш шудымо кум да утларак шочшым ончен куштышо мужырым шуко шочшан ача-авалан шотлат. А регионлаште муниципальный политикым виктарыше правительстве ты званийым налаш посна радамым ышта. Марий Элыште могай еш тыгай категорийлан шотла?
УМБАКЫЖЕ «КУГАРНЯ» газетын 17 январьысе номерыштыже лудса.