Россий МВД-н ЙошкарОласе пӧлкаже палдара: РФ президентын указше почеш 2020 ий 1 февраль гыч 15 июль марте РФ паспортын срокшо лектын гынат, паспорт чынлан шотлалтеш. Миграций шотышто кугыжаныш услугым налаш манын, Кугыжаныш муниципальный услуго-влак единый порталыш (ЕГПУ) йодмашым пуаш йӧн уло. Тиде сайтыш йодмашым кеч-могай жапыште, кеч-могай вер гыч колташ лиеш. Кугыжаныш пошлиным тиде сайт гоч тӱлымӧ годым ак 30%-лан шагалрак. Йодмашыште иктаж йоҥылыш уло гын, вигак йыҥгыртен шижтарат.