Марий Элыште индешымше классыште тунемше 97 % ӱдыр-рвезе руш йылме дене иктешлыше собеседованийым эртен.
Республикысе 229 образовательный организацийла гыч 6698 тунемше тергымаште лийын. Нуно ныл тӱрлӧ заданийым шуктеныт: йӱкын лудмаш, ешартыш уверым пуртен, пуымо текстым каласкалаш (пересказ), монолог да экзаменыште шинчыше еҥ дене мутланымаш.
Палемдыме кечын кӧ экзаменым сдатлен огыл, нуно 11 да 18 майыште тидым ыштат.
Фотом Интернет гыч налме.